Главная » Заговоры на все случаи » Молитвы при раке

Молитвы при раке

30.09.2016 в 06:00 просмотров: 629 комментариев: 0 Заговоры на все случаи
Молитва Пресвятой Богородице перед Ее иконой «Скоропослушница»
«Преблагословенная Владычице, Принодево Богородице, Бога Слова паче всякаго слова на спасение наше рождшая, и благодать Его преизобильно паче всех приявшая, море явльшаяся Божественных дарований и чудес приснотекущая река, изливающая благость всем, с верою к Тебе прибегающим! Чудотворному Твоему образу припадающе, молимся Тебе, всещедрей Матери человеколюбиваго Владыки: удиви нас пребогатыя милости Твоя и прошения наша, приносимая Тебе, Скоропослушнице, ускори исполнити все, еже на пользу во утешение и спасение коемуждо устрояющи.
Посети, Преблагая, рабы Твоя благодатию Твоей, подаждь недугующим цельбу и совершенное здравие, обуреваемым тишину, . плененным свободу, и различными образы страждущих утеши. Избави, Всемилостивая Госпоже, всяк град и страну от глада, язвы, труса, потопа, огня, меча и иныя казни временныя и вечныя, Матерним Твоим дерзновением отвращающи гнев Божий; и душевнаго разслабления, обуревания страстей и грехопадений свободи рабы Твоя, яко да непреткновенно во всяком благочестии поживше в сем веце, и будущем вечных благ сподобимся благодатию и человеколюбием Сына Твоего и Бога, Емуже подобает всякая слава, честь и поклонение со Безначальным Его Отцем И Пресвятым Духом, ныне и присно и во веки веков. Аминь. «
Молитва Пресвятой Богородице перед Ее иконой «Всецарица» (Пантанасса) «О Всеблагая, досточудная Богородице, Пантанасса, Всецарице! Несмь достоин да внидеши под кров мой! Но яко милостиваго Бога любоблагоутробная Мати, рцы слово, да исцелится душа моя и укрепится немощствующее тело мое. Имаши бо державу непобедимую и не изможет у Тебе всяк глагол, о Всецарице! Ты за мя упроси, Ты за мя умоли. Да прославляю преславное имя Твое всегда, ныне и в безконечныя веки. Аминь. «
Молитва святителю Нектарию Эгинскому
«О, Святителю Нектарие, отче богомудрый! Приими, блюстителю веры православныя, исповедание устен людей христоименитых, собранных днесь в храме благодатию Божиею, в тебе живущею. Весть бо достиже до предел Российских, яко ты, великий во святых угодниче Христов, во всех концех вселенныя призывающим имя твое являешися и от раковыя болезни и исцеление даруеши.
Слышахом бо иерее, тебе тезоименитом и храм во имя твое созидавшем, со скорбьми велиими. Раковою убо язвою грудною поражен бе, крови на всяк день точащейся, и стаждаше люте; дела же своего святаго не оставляше. Внезапну ты, святителю многомилостиве, с небесе сшед, ему во храме предстал еси в видимом образе. Он же, непщуя тя собрата, едина от смертных быти. прошаше молитв твоих и рече: «Боляй еемь вельми, обаче хощу святый олтарь надати, да поне единожды святую литургию вкупе с прихожаны совершу; послежде и умрети готов есмь, смерть бо мя не страшит».
Ты же, отче, безплотен сый, слезами лице свое орошаше! и объем страдальца, лобызаше и, глаголя: «Не тужи, чадо мое, яко, болезнию испытан, здрав будеши. Вси убо о чудеси сем ведати имут. «Он же, исцелен быв, абие разуме, с кем беседоваше, тебе невидиму бывшу.
О, великий угодниче Христов Нектарие! Храм оный свершен есть ныне и чудеса твои, аки море преизливающееся, умножишася! Мы же познахом, яко молитве праведника должно поспешествуемой быти усердием нашим к службе Божией и решимостию за Христа умирати, да здрави обрящемся. Молят тя, отче праведный, болящая чада твоя: да свершается с нами воля Божия, благая, угодная и совершенная, не хотящи смерти грешнику, но еже обратитися и живу быти ему. Ты же, провозвестниче воли Божией, исцели ны благодатным явлением своим, да велик будет Бог на небеси и на земли во веки веков! Аминь. «
Фотографии по теме
Комментарии 0
avatar
Сильные привороты, заговоры и обряды. Гороскоп на сегодня. Портал о магии и магах, целителях, экстрасенсах, гадалках, колдунах. Новости в мире магии и мистики. © Mistik-Info. Мистический портал Mistik-Info.ru